இஸ்லாம் உங்கள் பார்வைக்கு (ஆசிரிய முன்னுரை)

வெளியீடு: International Islamic Federation Of Student Organizations

நூல்: இஸ்லாம் உங்கள் பார்வைக்கு

மூல நூல் ஆசிரியர்: ஹமுத அப்த் அல் அத்தி

தமிழில்: மு. குலாம் முஹம்மத்


அளவற்ற அருளாளனும் நிகரற்ற அன்புடையோனுமாகிய அல்லாஹ்வின் திருநாமத்தால் ஆரம்பம்.

முன்னுரை.

இஸ்லாத்தின் அடிப்படை போதனைகளை ஒரு சாதாரண வாசகர் புரிந்திட உதவுவதே இந்த நூலின் நோக்கமாகும். அதாவது இஸ்லாத்தை மிகவும் விரிவாக விளக்குவதல்ல இந்த புத்தகத்தின் நோக்கம். இருந்தாலும் ஒரு சாதாரண மனிதனுக்கு இஸ்லாம் என்றால் என்ன? அது என்னென்ன கொள்கைகளுக்காக இருக்கின்றது என்பனவற்றை விளக்கிட தேவையான முயற்சிகள் மேற்கொள்ளப்பட்டுள்ளன. ஒருவர் ஒருமுறை இஸ்லாத்தைப் பற்றிய ஆரம்ப அறிவை பெற்றுவிட்டால், பின்னர் அவர் இஸ்லாத்தை முழுமையாகத் தெரிந்துகொள்ளத் தேவையான முயற்சிகளை தாமே மேற்கொள்வார்.

பூமியின் மேற்கு தூரப் பகுதிகளில் வாழுகின்ற முஸ்லிம்கள் குறிப்பாக முஸ்லிம் இளைஞர்கள் பல்வேறு குழப்பமான பிரச்சனைகளை சந்திக்கின்றனர். இந்தப் பகுதிகளின் சூழ்நிலைகள் இஸ்லாத்தைப் பொறுத்தவரைச் சாதகமில்லாத நிலையிலேதான் அமைந்திருக்கின்றன.

வானொலி தரும் செய்திகள், தொலைக்காட்சி தரும் காட்சிகள், பத்திரிக்கைகள் தரும் செய்திகள், திரையரங்குகளில் திரையிடப்படும் திரைப்படங்கள், சஞ்சிகைகளில் வெளிவரும் கட்டுரைகள், கல்விக் கூடங்களில் பயிற்றுவிக்கப்படும் பாட புத்தகங்கள் இவை அனைத்தும் இஸ்லாத்தைப் பற்றிய தவறான கருத்துக்களையே தந்து கொண்டிருக்கின்றன. இஸ்லாத்தை தவறாக போதிக்கின்றோம் என்று தெரியாமல் இவை இஸ்லாத்தைப் பற்றிய தவறான கருத்துக்களை தந்து கொண்டிருக்கவில்லை. மேலே சொன்ன மக்கள் தொடர்புக் கருவிகள் வேண்டுமென்றே இஸ்லாத்தைப்பற்றி தவறான கருத்துக்களை பிரச்சாரம் செய்கின்றன. சிலர் இஸ்லாத்திற்கு எதிராக அமைந்த இந்தச் சூழ்நிலைகளைப் பயன்படுத்தி, முஸ்லிம்களைத் திசைதிருப்ப முயன்றனர். இதன் விளைவாக முஸ்லிம்கள் இஸ்லாத்தை வெறுத்து ஏதேனும் வேறு கொள்கைக்குத் தங்களை மாற்றிக் கொள்வார்கள் என எதிர்பார்க்கின்றனர்.

இன்னொருபுறம் மனிதனின் சிற்றின்ப ஆசைகளைத் தூண்டி விட்டு அவர்களின் கவனத்தைச் சமயக் கோட்பாடுகளிலிருந்து திருப்புகின்ற விதத்தில் பல்வேறு கருவிகள் செயல்பட்டுக் கொண்டிருக்கின்றன. இவை எண்ணற்ற தீங்குகளை விளைவித்துக் கொண்டிருக்கின்றன. முஸ்லிம் இளைஞர்களை இவை வெகுவாக பாதிக்கின்றன.

இஸ்லாத்தை மிகவும் தவறாக புரிந்து கொண்டிருக்கும் இந்த மேற்குப் பகுதியில் இவை இன்னும் அதிகமான தீங்குகளை விளைவிக்கின்றன.

உண்மையில் முஸ்லிம்களில் சிலர் தங்கள் குழந்தைகளுக்கு மார்க்கத்தைப் பற்றிய விளக்கங்களையும், தெளிவுகளையும் தர வேண்டும் என்றே விழைகின்றனர். ஆனால் அவர்கள் மேற்கொள்ளும் முயற்சிகள் மிகவும் சிறியதாகவே இருக்கின்றன. இந்த சிறிய முயற்சிகளால் பயனேதும் இல்லாமல் போய்விடுகின்றது. சூழ்நிலைகள் சூறாவளியாகத் தாக்கிடும் இந்த நிலையில் அவர்கள் மேற்கொள்ளும் இந்த சிறிய முயற்சிகள் வலுவிழந்தே போய்விடுகின்றன. பின்னர் என்னதான் நடக்கின்றது? இங்கே நிலைமை குளறுபடியாக இருக்கின்றது என்பதுதான் உண்மை. ஆனால் நிலைமை நாம் நம்பிக்கை இழந்து விடும் அளவிற்கு மோசமாக இல்லை.

தங்களைச் சுற்றியிருக்கும் சூழ்நிலைகளின் நிர்பந்தங்களுக்கு ஆளாகுகின்ற முஸ்லிம்கள், தங்களை இழந்து, மார்க்கம் தரும் போதனைகளில் அக்கறை அற்றவர்களாக தங்களது சொந்த வேலைகளில் முடங்கிக் கிடக்கின்றார்கள். அவர்கள் தங்களைச் சுற்றியிருக்கும் சூழ்நிலைகளைப் பார்த்து வெட்கப்படுகிறார்கள் சில வேளைகளில் அச்சப்படுகிறார்கள். இதனால் அவர்கள் சமுதாயத்திற்கு எந்த பலனையும் தர முடியாதவர்களாக ஆகி விடுகின்றனர். அதுபோலவே சமுதாயத்திலிருந்து கிடைக்கும் பலன்களையும் பெற முடியாதவர்களாக ஆகி விடுகின்றனர்.

இன்னும் பலர் சமுதாயம் போகும் போக்கிலேயே போய்க் கொண்டிருக்கிறார்கள். அவர்கள் தங்களைச் சமுதாயம் ஏற்றுக் கொள்ள வேண்டும் என்பதற்காகவும், தாங்கள் நாகரீகமானவர்கள் என்று காட்டிக் கொள்ள வேண்டும் என்பதற்காவும் சமுதாய மாற்றங்களுக்குத் தலை சாய்க்கின்றனர். இவர்களும் சமுதாயத்திற்கு எந்தப் பலனையும் தரப்போவதில்லை. இப்படிப்பட்ட முஸ்லிம்கள் சமுதாயத்தை அழிக்கின்ற சக்தியாகவும், சாபத்திற்குரியவர்களாகவும் மாறிவிடுவார்கள். ஏனெனில் அவர்களிடம் உருப்படியான மார்க்க ஒழுக்கங்கள் இல்லை. Continue reading இஸ்லாம் உங்கள் பார்வைக்கு (ஆசிரிய முன்னுரை)

படைப்பினங்களைக் கொண்டு சத்தியம் செய்யலாமா? (3)

மனிதன் தன் பிரார்த்தனையில் இன்னாரின் பொருட்டால், அவரின் உரிமையால் என்று கூறிக் கேட்கும் போது மனிதனுக்கு ஏதோ சில உரிமைகள் அல்லாஹ்விடம் இருப்பதாக நினைக்கத் தோன்றுகிறதல்லவா? இப்படி நினைத்தல் சுன்னத் வல் ஜமாஅத்தினரின் போக்கல்ல என விளங்கிக் கொள்ள வேண்டும். மாறாக இது முஃதஸிலாக்களின் கொள்கையாகும். இவர்கள் இஸ்லாத்தை விட்டு வெளியேறிய பிரிவினராவர். ‘மனிதனுக்குச் செய்ய வேண்டிய எந்த செயலுமே அல்லாஹ்வின் மீது கடமையாகவில்லை’ என்று வேறு சிலர் கூறுகின்றனர்.அவன் தன் அடியார்களுக்குச் செய்கின்ற அனுக்கிரகங்கள், நன்மைகள் அனைத்துமே அவன் அருள்கிருபை என்ற அமைப்பிலாகும். அல்லாஹ் தன்மீது அடியார்களுக்கு அருள் பாலிப்பதை ஏற்படுத்தி வைத்திருக்கிறான். மூமினான படைப்பினங்களுக்கு இத்தகைய இரக்கமான கூலிகளை அளிப்பதாக தன்மீது இறைவன் தானாகவே ஏற்படுத்தியுள்ளான். அவர்களுக்கு அநீதி இழைப்பதை தன்மீது விலக்கியிருக்கிறான் அல்லவா? சிருஷ்டிகளுக்கு எந்தச் செயலை அல்லாஹ் செய்தாலும் அது கடமை என்ற அடிப்படையிலல்ல. மாறாக அவன் தன் மீது ஏற்படுத்திக் கொண்ட இரக்கம், நேர்மை, நீதி என்பன போன்ற குணங்களுக்கு, தன்மைகளுக்கும் உட்பட்டதாகும். ஹதீஸுல் குத்ஸியிலும் இந்த உண்மையை நம்மால் பார்க்க முடிகிறது. அதில் இறைவன் குறிப்பிடுகிறான்: ‘அடியார்களே! என் மீது நான் அநீதியை விலக்கிக் கொண்டேன். இந்த அநீதியை விட்டு உங்களையும் விலக்குகிறேன். நீங்கள் யாருக்கும் அக்கிரமம், அநீதி செய்யாதீர்கள்’. Continue reading படைப்பினங்களைக் கொண்டு சத்தியம் செய்யலாமா? (3)

இறைவனால் ஏற்றுக் கொள்ளப்பட்ட மதம் இஸ்லாம் ஒன்றே!

தொன்று தொட்டு இன்று வரை அனைத்து நபிமார்களும் போதித்து வந்த ஒரேவழி நாம் விளக்கிக் காட்டிய இதே இஸ்லாம் ஒன்றே. இதுவே நேர்மையான வழி. இதுவே உண்மையான இஸ்லாமிய வழி. நேர்மையில்லாச் செய்கைகளை இஸ்லாமியச் செய்கைகள் எனக்கருதி எவர் செயல்பட்டாலும் அவை இஸ்லாத்திற்குப் புறம்பான செய்கைகள் என்றே கருதப்படும். இந்த உண்மையை விளக்குவதற்காக இறைவன்: “இஸ்லாத்தைத் தவிர வேறொரு மார்க்கத்தை யாரும் விரும்பினால் நிச்சயமாக அவனிடமிருந்து (அது) அங்கீகரிக்கப்பட மாட்டாது. மறுமையில் அவன் நஷ்டமடைந்தோரில் சேர்ந்து விடுவான்” என்று கூறுகிறான். (3:85) Continue reading இறைவனால் ஏற்றுக் கொள்ளப்பட்ட மதம் இஸ்லாம் ஒன்றே!

பாடம் – 11

அல்லாஹ்வைத் தவிர ஏனையவைகளிடம் பாதுகாப்புத் தேடுவது ஷிர்க்கான செயலாகும்.

“இன்னும் நிச்சயமாக மனிதர்களிலுள்ள ஆண்கள் பலர் ஜின்களில் உள்ள ஆண்கள் பலரிடம் (தங்களை) காக்கத் தேடிக் கொண்டிருந்தனர் இதனால் அவர்கள் (ஜின்கள்) அவர்களை (மனிதர்களை) பாபத்திலும் இறையச்சமற்ற தன்மையில் கர்வத்தையும் அதிகமாக்கி விட்டார்கள்.” என அல்லாஹ் கூறுகிறான். (72:6)

“ஒரு தங்குமிடத்தில் நுழையும் போது ‘அல்லாஹ்வின் வார்த்தைகளில் (படைப்பினங்களின்) தீங்குகளை விட்டும் பாதுகாப்புத் தேடுகிறேன்,’ என யாரேனுமொருவர் கூறினால் அவர் அந்த இடத்தை விட்டு நீங்கும் வரை அவரை எந்தத் தீங்கும் அணுகாது” என அல்லாஹ்வின் தூதர் (ஸல்) அறிவித்ததாக ஹவ்லா பின்த் ஹாகிம் தெரிவிக்கிறார். ஆதாரம்: முஸ்லிம்.

இப்பாடத்தின் முக்கிய அம்சங்கள்:

அல்லாஹ்வையன்றி ஏனையவைகளிடம் பாதுகாப்புத் தேடுவது ஷிர்க்கை சார்ந்த ஒரு செயலாகும்.

இப்படிப்பட்ட காரியங்களின் உதவிகள் மூலம் உலகலாவிய ஒரு சில விஷயங்களில், சில சந்தர்ப்பங்களில், லாபமும், வெற்றியும் பெறவோ அல்லது சில தீங்குகளை அல்லது நஷ்டங்களை விட்டும் பாதுகாப்புப் பெறவோ சிலருக்கு முடிந்த ஒரே காரணத்தால் இக்காரியங்களில் ஈடுபடுவது ஷிர்க்கை விட்டும் நீங்கியவை என்று ஒருவரும் கருதக் கூடாது.

மேற்குறிப்பிட்ட ஹதீஸின் ஆதாரத்தின் மூலம் அல்லாஹ்வின் வார்த்தைகள் அவனுடைய படப்பினங்களல்ல என இஸ்லாமிய மார்க்க அறிஞர்கள் நிர்ணயிக்கிறார்கள். இதன் அடிப்படையில் படைப்பினங்களின் பாதுகாப்பை நாடும் காரியம் ஷிர்க்காகும்.

மேற்குறிப்பிட்ட துஆ மிகச்சிறியதாயினும் பெரும் மகத்துவம் மிக்கது.

“ஒவ்வொரு முஸ்லிமும் அறிய வேண்டிய 32 முக்கிய பாடங்கள்” என்ற நூலில் இருந்து.

அரபி மூலம்: அப்துல் அஸீஸ் அல் ஸோமர்.

தமிழ் மொழி பெயர்ப்பு: ஜாஸிம் பின் தய்யான்.

இன்ஷாஅல்லாஹ் தொடரும்.